Գլխավոր » 2011 » Հուլիս » 20 » Yandex-ը պնդում է, որ SMS հաղորդագրությունների արտահոսքի համար ինքը մեղք չունի
12:28
Yandex-ը պնդում է, որ SMS հաղորդագրությունների արտահոսքի համար ինքը մեղք չունի
Yandex-ը պնդում է, որ մեղավորություն չունի «Մեգաֆոնի» բաժանորդների SMS հաղորդագրությունների արտահոսքի հարցում: Այս մասին ասված է Yandex-ի պաշտոնական հաղորդագրության մեջ` ի պատասխան «Մեգաֆոնի» գլխավոր տնօրենի տեղակալի հայտարարության, ըստ որի Yandex որոնողական համակարգը առնչություն ունի կայքի միջոցով շուրջ 3 հազար հաղորդագրությունների բոլորի համար ազատ հասանելի դառնալուն:
Yandex-ում նաեւ հայտարարել են, որ կայքի հաղորդագրություններով էջերը հասանելի են եղել նաեւ այլ որոնողական համակարգերում: Ըստ այդմ, «Մեգաֆոնի» մասնագետները որոնողական համակարգերում տվյալների ինդեքսավորման սահմանափակման համար պատասխանատու ֆայլը տեղադրել են միայն հուլիսի 18-ի երկրորդ կեսին: «Հատուկ ուզում ենք ընդգծել, որ Yandex-ի ոչ մի ծառայություն մեղավոր չէ «Մեգաֆոնի» կայքի տվյալների արտահոսքի համար: Եթե էջը փակ է ինդեքսացիայի համար կամպաշտպանված է լոգինով ու գաղտնաբառով, ապա այն անհասանելի է նաեւ որոնողական աշխատանքների ժամանակ»,- ասված է Yandex-ի հայտարարության մեջ:
Հիշեցնենք, որ հուլիսի 18-ին ինտերնետում ազատորեն հայտնվել են ռուսական 4 խոշոր բջջային օպերատորների բաժանորդներին ուղարկված SMS հաղորդագրությունները:
Ռուսական Yandex որոնողական համակարգի միջոցով կարելի էր ստանալ մի քանի հազար SMS հաղորդագրություններ: Բացի այդ, Yandex օգտագործողները կարող էին տեսնել նաեւ այն հեռախոսահամարները, որոնց ուղարկվել էին հաղորդագրությունները: Տեղի ունեցածի պատճառների մասին վարկածները հակասական են:
Yandex-ը պնդում է, որ մեղավորություն չունի «Մեգաֆոնի» բաժանորդների SMS հաղորդագրությունների արտահոսքի հարցում: Այս մասին ասված է Yandex-ի պաշտոնական հաղորդագրության մեջ` ի պատասխան «Մեգաֆոնի» գլխավոր տնօրենի տեղակալի հայտարարության, ըստ որի Yandex որոնողական համակարգը առնչություն ունի կայքի միջոցով շուրջ 3 հազար հաղորդագրությունների բոլորի համար ազատ հասանելի դառնալուն:
