ՏԵՂԵԿԱՏՈՒ - «ՎԱՆԱՁՈՐ» / СПРАВОЧНИК "ВАНАДЗОР"

Happy Birthday dear Sirusho

andy — Wed, 14 Aug 2013 11:08:01 GMT

Today is indeed a lucky day for me.because on this day you my best friend were born.I have to thank my stars that they have given me the best friend I always wanted in you.you have always been there for me.your birthday is the special occasion where I can express how special you are.your are special to no bounds.the love you give, the care you show can never be measured.I'am lucky that God blessed me with a friend like you on this very day.Happy Birthday .you are a gem of a person.you are a rare diamond to find. I hope all your dreams come true.close your eyes and wish for all that you desire and the stars will grant you whatever you want.may you achieve success and prosperity in every phase of your life.I have one more wish on your birthday I wish we remain friend's forever. your friendship is very important to me.

With best wishes from Manusho

Ընկերն իրոք գին չունի,
Գին չունեցող գանձ է նա
Սրտով ամեն ազնիվ մարդու,
Շատ հարազատ անձ է նա՛
Ու թող ամեն մարդ իր սրտում ամուր պահի այդ գանձը
Շնորհավոր իմ լավ ընկեր քո 25 ամյակը

Ինքնամերսում - խորհուրդ է տրվում բոլոր գրասենյակային աշխատողներին

andy — Mon, 02 Apr 2012 06:08:17 GMT

Հարգելի ընթերցողներ, հաշվի առնելով, որ համացանցից օգտվողների մեծամասնությունը երկար ժամանակ նստած են համակարգչի առջեւ, եւ ունենում են վզի շրջանում խնդիրներ, առաջարկում ենք դիտել այս հետաքրքիր տեսաֆիլմը, ինքնամերսմամբ առաջացած խնդիրները լուծելու համար:

Տիգրան Հովհաննիսյան - 3 տարեկան

andy — Tue, 27 Mar 2012 13:51:56 GMT

17 մարտի 2012 թվական - Տիգրան Հովհաննիսյան 3 տարեկան

Այսօր լրացավ Տիգրան Հովհաննիսյանի 3 տարեկանը: Նրան Շնորհավորում են տատիկը, պապիկը, եւ բոլոր հարազատները

Լոռիի մարզում գործազրկության ամենաբարձր մակարդակը Վանաձորում է. ոլորտի մասնագետ

andy — Wed, 08 Feb 2012 09:25:41 GMT

Լոռիի մարզում, 2012 թվականի հունվարի 1-ի դրությամբ, գրանցված են 11 հազար 377 աշխատանք փնտրողներ. 2010 թվականի հետ համեմատած, նրանց թիվն անցած տարեվերջին նվազել է: Նշված աշխատանք փնտրողներից մոտ 10 հազարը փաստացի գործազուրկներ են, բայց նրանցից միայն 1332-ն են այս տարվա հունվարի 1-ի դրությամբ օգտվում գործազրկության նպաստից:

Լոռիի մարզում մեծ պահանջարկ կա հատկապես բժշկական ու շինարարական ոլորտի մասնագետների գծով, Իսկ աշխատանք փնտրողների թիվն օրեցօր ավելանում է: Բացի այդ, մեծ թվով բաց աշխատատեղեր կան նաեւ խոհարարների ու մատուցողների համար:

Զբաղվածության Լոռիի մարզի տարածքային կենտրոն դիմում են հավասարապես եւ կանայք, եւ տղամարդիկ: Կենտրոնի տնօրեն Արա Առաքելյանը NEWS.am-ի թղթակցի հետ զրույցում նշեց, որ աշխատանք փնտրողներն հիմնականում 35-50 տարեկան միջնակարգ եւ միջին մասնագիտական կրթություն ստացած մարդիկ են, ավելի քիչ թիվ են կազմում բարձրագույն կրթություն ունեցող անձինք: Հատկապես այս տարիքային խմբի գործազրկության փաստն Արա Առաքելյանը պարզաբանում է երիտասարդների առավել ճկուն ու եռանդուն լինելով, իսկ ավելի մեծ տարիքային խմբի մարդիկ դժվարությամբ են փոխում հին աշխատանքը նորով, այս առումով վերապատրաստման դասընթացների մեծ բացթողումներ կան:

Բացի պահանջվող մասնագիտական գիտելիքներից, որպես հավելյալ պայման այսօր հիմնականում դիտվում է համակարգչային գիտելիքների իմացությունը, որին, ավելի վարժ տիրապետում են հատկապես երիտասարդները:

Ըստ Զբաղվածության Լոռիի մարզի տարածքային կենտրոնի տնօրենի, գործազրկության մակարդակի բարձրացումն հիմնականում կապված էր համաշխարհային ճգնաժամի հետ, երբ կրճատումներ եղան առավել խոշոր ձեռնարկություններում, Լոռիի մարզում այդպիսիք եղան «Ավտոգեն-Էմ»-ն ու Վանաձորի քիմիական գործարանը:

Հավելենք, որ մարզի գործազրկության հիմնական տոկոսն հենց մարզկենտրոն Վանաձորում է:

ԱԺ-ն առաջին ընթերցմամբ ընդունեց «Հայաստանում ժամանակի հաշվարկման կարգի մասին» օրինագիծը

andy — Tue, 07 Feb 2012 10:40:40 GMT

Ազգային ժողովը քիչ առաջ առաջին ընթերցմամբ ընդունեց «Հայաստանի Հանրապետության տարածքում ժամանակի հաշվարկման կարգի մասին» օրինագիծը, ըստ որի, Հայաստանում ժամանակը չի փոփոխվի եւ այլեւս չի անցնի ամառային ժամանակի:

Օրինագծին կողմ է քվեարկել 71 պատգամավոր, 4 պատգամավոր ձեռնպահ է մնացել:

«Ժառանգություն» խմբակցության ղեկավար Ստյոպա Սաֆարյանը, օրինագծի վերաբերյալ նշեց, որ դա լուրջ դժգոհությունների առիթ է դարձել հասարակության շրջանում: Նրա խոսքով, եթե օրենքն ընդունվի այս տեսքով, ապա ամռանը մեկ ժամ շուտ կմթնի եւ բնակչության համար էլեկտրաէներգիայի ծախսը կավելանա:

Օրինագծի վերաբերյալ արվող առաջարկները հաշվի կառնվեն մինչեւ երկրորդ ընթերցում ընկած ժամանակահատվածում:

Նշենք, որ Ռուսաստանում եւս ժամանակն անփոփոխ թողնելու վերաբերյալ օրենք է ընդունվել, սակայն այնտեղ ժամանակն անշարժացվել է ամառային ժամանակով, իսկ մեզ մոտ` ձմեռային:

Հիմա Մոսկվայի եւ Երեւանի ժամանակները նույնն են:

Հոդվածը՝ news.am-ի

Հայաստանում շաբաթը զարմանալիորեն սոցիալական էր

andy — Mon, 06 Feb 2012 09:44:01 GMT

2012-ի Հայաստանի պետբյուջեով առաջին անգամ նախատեսվում է 18 մլրդ դրամ պետական ծառայողների սոցիալական փաթեթի համար

Հայաստանում շաբաթը զարմանալիորեն սոցիալական էր: Այդ շրջանում իշխանություններին հաջողվեց շոշափել հանրային կյանքի միանգամից մի քանի ուղություններ՝ բնակչության անապահով խավեր, այդ թվում զինվորական ծառայությունն անցած երիտասարդներ, գյուղացիներ և նույնիսկ պետական ծառայողներ:

PanARMENIAN.Net - Այսպիսով, մեր պաշտոնյաներն արդեն գալիք շաբաթվա կեսին կստանան երկար սպասված սերտիֆիկատներ, որոնք կհեշտացնեն նրանց կյանքը և խթան կդառնան, որպեսզի նրանք ավելի լավ աշխատեն: 2012-ի Հայաստանի պետբյուջեով առաջին անգամ նախատեսվում է 18 մլրդ դրամ պետական ծառայողների սոցիալական փաթեթի համար: 2012թ հունվարից ՀՀ-ում ներդրվում է սոցիալական փաթեթ, որը նախատեսված է քաղաքացիական և պետական ծառայողների, պետական պաշտոններ զբաղեցնող անձանց, ինչպես նաեւ կրթության, մշակույթի եւ սոցիալական պաշտպանության ոլորտների պետական կազմակերպությունների վարչական և մասնագիտական պաշտոններ զբաղեցնողների համար:

Սոցիալական փաթեթի ներդրումը հնարավորություն է ընձեռում շուրջ 120 հազար աշխատակիցների և նրանց ընտանիքի անմիջական անդամներին (ամուսինը և մինչև 27 տարեկան չամուսնացած զավակները), անկախ զբաղեցրած պաշտոնից և վարձատրության չափից հավասարաչափ օգտվել հետևյալ սոցիալական ծառայություններից` բժշկական ապահովագրություն, որն աշխատակիցների համար կրում է պարտադիր բնույթ, հիփոթեքային վարկի ամսական վճարի մարում, ԿԳՆ կողմից հաստատված ուսումնական ծրագրերով ուսման վճար, հանգստի կազմակերպում ՀՀ և ԼՂՀ տարածքում:

Հայաստանի կառավարությունը փետրվարի 2-ին հաստատել է ֆերմերներին աջակցելու պետական ծրագիրը: Հայաստանի ռեզերվային ֆոնդից գյուղատնտեսության նախարարությանը հատկացվելու է 1,3 մլրդ դրամ` ֆերմերների կողմից 12 600 տ անհրաժեշտ դիզվառելիքի ձեռքբերմանն աջակցելու համար: Ըստ նրա, դիզվառելիքի բաշխումը կսկսվի 2012թ փետրվարի 15-ից, որպեսզի ֆերմերները կարողանան պատշաճ կերպով իրականացնել գարնանային աշխատանքներ:

Հայաստանի վարչապետ Տիգրան Սարգսյանն ընդգծել է, որ արդեն երկրորդ տարին է կառավարության ուշադրության կենտրոնում է գյուղատնտեսության ոլորտը: «Կառավարության այսօրվա որոշմամբ մենք մեկնարկում ենք նոր ծրագիր, որը բոլոր համայնքների համար մատչելի է դարձնում դիզվառելիքը: Դա թույլ կտա ընդլայնել ցանքատարածքները և հանդիսանում է գյուղատնտեսական ապրանքների ինքնարժեքի ձևավորման հիմք»,-ընդգծել է նա: Ինչպես հայտնել է վարչապետը, ֆերմերներին դիզվառելիքը վաճառվելու է լիտրի դիմաց 350 դրամով և արդեն ընտրվել է «Ֆլեշ» ընկերությունը, որը վերջին եռամսյակի ընթացքում ամենաէժան գներն է ներկայացրել և հնարավորություն ունի այդ դիզվառելիքը համայնքներին հասցնելու:

Այսուհետ կառավարության ուշադրության կենտրոնում կլինեն սոցիալական հարցերը, մանավորապես, կրթության մատչելիության բարձրացումը բնակչության անապահով շերտերի համար: Այդ մասին փետրվարի 2-ին, բացելով նիստը, հայտարարել է Տիգրան Սարգսյանը: Ըստ նրա, կրթության հասանելիության բարձրացումն ինչ-որ առումով կնպաստի աղքատության հաղթահարմանը: «Այն ընտանիքները, որոնք չեն կարող կրթություն տալ երեխաներին, ավելի հաճախ են բախվում աղքատության հետ: Այսուհետ մեր ծրագրերն ուղղվելու են կրթության հասանելիության ապահովմանը Հայաստանում»,-ասել է նա:

Հայաստանի կառավարությունը մտահոգված է բանակում ծառայած երիտասարդների հետագա ճակատագրով: «Երբ երիտասարդը ծառայում է բանակում ու վերադառնում է, նրա առջև հարց է առաջանում, թե ինչպես է դասավորվելու նրա հետագա ճակատագիրը»,-ասել է ՀՀ վարչապետ Տիգրան Սարգսյանը:

Այսուհետ, բանակում կաշխատեն յուրաքանչյուր զինծառայողի հետ, որոշելու համար նրա ցանկություններն ու հնարավորությունները հետագա կյանքը դասավորելու համար, աջակցություն կցուցաբերվի երիտասարդներին, որպեսզի նրանք կարողանան որոշում կայացնել ու շարունակել կրթությունը: «Դա նշանակում է, որ ծնողները, բանակ ուղարկելով իրենց երեխաներին, պետք է վստահ լինեն, որ կառավարությունը կկարողանա հոգալ նրանց հետագա ճակատագրի մասին»,-հավելել է վարչապետը:

Բայց ահա կնվազի արդյոք երկրում աղքատությունը բնակչության գրագիտությունը բարձրացնելու հաշվին և երբ դա տեղի կունենա, առայժմ դժվար է ասել, քանի որ հարցը երկրում անցկացվող քաղաքականության հետևողականության մեջ է և, ամենագլխավորը, կոռուպցիայի դեմ պայքարի:

Մեկ էլեկտրասյունից օգտվելու համար Վանաձորում պետք է վճարել 60 դրամ

andy — Mon, 06 Feb 2012 08:47:27 GMT

2012թ-ի Վանաձոր քաղաքի ավագանու այս տարվա առաջին նիստում Վանաձորի քաղաքապետարանի գույքի կառավարման եւ եկամուտների հավաքագրման բաժնի պետ Վիկտոր Դարբինյանն առաջարկ է արել քաղաքում գտնվող յուրաքնաչյուր էլեկտրասյունից օգտվելու համար սահմանել 60 դրամ գումար: Հարցը ավագանու անդամների կողմից ընդունվել է միաձայն:

NEWS.am-ի թղթակցի հետ զրույցում Վանաձորի քաղաքապետարանի գույքի կառավարման եւ եկամուտների հավաքագրման բաժնի պետ Վիկտոր Դարբինյանն ասաց, որ գումարները գնալու են համայնքի բյուջե, որը տարեկան կկազմի մոտ 500 հազար դրամ.«Մի քանի կազմակերպություններ առաջարկեցին, որ մալուխները սյուների վրայով տանեն ու դրա դիմաց գումար հատկացնեն, Արմենթելն էլ առանց համայնքին ասելու էր արել, դրա համար էլ որոշվեց հստակ գումար գանձել»: Բաժնի պետի փոխանցմամբ առաջարկվել է 60-100 դրամ մեկ սյան համար, սակայն ընդունվել է 60 դրամը, որը ըստ նրա, քիչ գումար է նման խոշոր կազմակերպությունների համար:

NEWS.am-ի թղթակցի հետ զրույցում Վանաձոր համայնքի ավագանու անդամ Սամվել Դիլոյանն ասաց, որ ամեն տարի համայնքը իր բյուջեից գումարներ է հատկացնում բոլոր սյուների նորոգման, ներկման աշխատանքների համար, սակայն այս սյուներից օգտվող որեւէ մեկը երբեւե որեւէ գումար չի վճարել. «Ամեն սյուն կարիք ունի ներկվելու, նորոգվելու, դրա համար ծախսեր են անհրաժեշտ, որը այսօր մեր համայնքի բյուջեից է գնում, ինչի պետք է այդ խոշոր եկամուտ ապահովող կազմակերպությունները օգտվեն մեր սյուներից, շահույթ ստանան, բայց ոչինչ չանեն դրա պահպանման համար»,- ասաց Սամվել Դիլոյանը, հավելելով.«Ռուսաստանյան կառույցները մեր սյուները օգտագործում են, փողը տանում դուրս, իսկ նորոգումը համայնքն ա անում, այդ 60 դրամը մոտավորապես յուրաքանչյուր սյան նորոգման ինքնարժեքն է կազմում»:

Հոդվածը՝ news.am-ի

Կառավարությունը հաստատեց սոցիալական փաթեթի հատկացման կարգը

andy — Sun, 08 Jan 2012 12:56:15 GMT

Հայաստանի կառավարությունն 2011 թվականի դեկտեմբերի 29-ին հաստատեց պետական ծառայողների համար նախատեսված սոցիալական փաթեթը:

Նախատեսվում է 120 հազար պետական աշխատողի 2012 թ. պետական բյուջեից տրամադրել սոցիալական փաթեթ` յուրաքանչյուրին 132 հազար դրամ: Ըստ ՀՀ ֆինանսների նախարար Վաչե Գաբրիելյանի` բարձրաստիճան պաշտոնյաներն ու տեխնիկական աշխատողները սոցիալական փաթեթից չեն օգտվի: Գումարը պետծառայողների միջեւ կբաշխվի հավասարաչափ` անկախ զբաղեցրած պաշտոնից եւ աշխատավարձի չափից:

Հիշեցնենք, որ սոցիալական փաթեթն օգտագործվելու է չորս հիմնական ուղղությամբ` բժշկական ապահովագրություն, որը պարտադիր կլինի 52 հազար դրամի չափով, հիպոթեկային վարկերի ամսական վճարների մարումներ, ուսման ծախսեր, հանգիստ Հայաստանի եւ ԼՂՀ-ի տարածքներում:

Վ.Գաբրիելյանի տեղեկացմամբ` բժշկական ապահովագրությունը կգործի փետրվարից։

Վանաձորում ավելացել են շտապօգնության կանչերը. Երբեմն հարձակվում են նաեւ բժիշկների վրա

andy — Fri, 06 Jan 2012 13:09:54 GMT

Վանաձորի շտապբուժօգնության կայանում դեկտեմբերի 31-ի կեսգիշերից մինչ հունվարի 6-ի առավոտյան ժամը 9-ը ստացվել է 350 կանչ: Այս մասին NEWS.am-ի թղթակցի հետ զրույցում ասել է բաժանմունքի վարիչ Սամվել Սահակյանը, նշելով, որ նախորդ տարվա նույն ժամանակահատվածի համեմատ նկատվել է դեպքերի աճ:

«Այս տարի գրանցված կանչերի մեծ մասը եղել են երիկամաքարային, ճնշման, հարբածությունների, ինչպես նաեւ տրավմաներով պայմանավորված ահազանգեր»,- նշել է նա` փոխանցելով, որ քիչ չեն նաեւ կեղծ կանչերը, որոնք խոչընդոտում են իրենց բնականոն աշխատանքին. «Վատն այն է, որ բնակչությունը մինչ օրս չգիտի, թե ինչ գործառույթներ ունի 103 ծառայությունը, շատ հաճախ մի սրսկման համար զանգում են, կամ էլ ամուսիններով կռվում են, կինն մարդու վրա նազ ծախելու համար զանգում է…»:

Հարցին, թե ինչպես են բնակիչները վերաբերում 103 ծառայության աշխատակիցներին, Սամվել Սահակյանը նշեց, որ ազգաբնակչության մեծամասնությունը լավ է վերաբերում, սակայն հարձակումները բժիշկների վրա շարունակվում են. «2 օր առաջ մի հարբած մարդ ընկել էր մեր բուժքույրերի հետեւից, լավ էր գոնե հասցրել էին փախչել…»:

Վանաձորի շտապ բուժօգնության կայանը սպասարկում է Վանաձոր քաղաքը հարակից 9 գյուղական համայնքներով: Բնակչությանն սպասարկում է 4 բրիգադ, որից մեկը ֆելդշերական, մնացած երեքը` բժշկով: Ի դեպ, կայանում աշխատում է մեկ հիմնական բժիշկ, ինչը վարիչը կապում է ծանր աշխատանքի եւ ցածր վարձատրության հետ: Սամվել Սահակյանն ասում է, որ արագ բուժօգնություն ցուցաբերելու համար այսօր լուրջ խնդիր է շենքերի վրա հասցեների, իսկ շքամուտքերում` լուսավորության բացակայությունը:

Հոդվածը՝ news.am-ի

Տոնական խելացնորություն Դուբայի օդանավակայանում՝ 1 ամսվա ընթացքում տեսանյութը դիտել է 1.483.701 մարդ (տեսանյութ)

andy — Thu, 29 Dec 2011 07:02:12 GMT

Դուբայի օդանավակայանի "flash mob"-ը իր մաշտաբներով ու մտահաղացմամբ վերջին տարիներին իրականացված նմանատիպ ակցիաներից լավագույններից մեկն է ճանաչվել: Ափսոս որ "Զվարթնոց" օդանավակայանում նման ակցիաներ չեն իրականացվում: Տեսանյութ

Հոդվածը՝ news.armeniatv.com-ի