 Հունիս 04, 2011 | 13:01 Ոստիկանության մամուլի ծառայությունից NEWS.am-ին հայտնում են, որ հունիսի 3-ին, ժամը 10.05-ին, ԱԱԾ-ից ՀՀ ոստիկանությունում գրություն է ստացվել, որ նշված ահազանգի հեղինակը Լոռու մարզի Շնող գյուղի բնակիչ, անչափահաս Ս. Մելքոնյանն է: Նյութերն ուղարկվել են ոստիկանության Լոռու մարզի քննչական բաժին, կատարվում է քննություն:
Ինչպես արդեն հայտնել է NEWS.am-ը, Մայիսի 24-ին, ժամը 12.54-ին, «ՎիվաՍել ՄՏՍ» ՓԲԸ-ից ոստիկանության Կենտրոնականի բաժնում ահազանգ էր ստացվել, որ մի քաղաքացի զանգահարել է իրենց և հայտնել, որ «ՎիվաՍել»-ի շենքում ռումբ է տեղադրված և 45 րոպեից այն գործի է դրվելու:
Ահազանգը ստանալուց անմիջապես հետո դեպքի վայր էին մեկնել ոստիկանության, ԱԱԾ, պաշտպանության, արտակարգ իրավիճակների նախարարությունների համապատասխան ստորաբաժանումների աշխատակիցներ: Շենքից տարհանվել էին բոլոր աշխատակիցները:
Համալիր ստուգումների արդյունքում պարզվել էր, որ հաղորդումը չի համապատասխանում իրականությանը, նշված շենքում ռումբ կամ այլ պայթուցիկ սարք չէր հայտնաբերվել:
Լուսանկարը` Գագիկ Շամշյանի
Հոդվածը՝ news.am-ի
|
