Ծնվել է 1950 թվականի հունվարի 9-ին՝ Կիրովական քաղաքում: Սամվելի հայրը՝ Մհեր Խալաթյանը, Սպիտակի շրջանի Ծաղկաբեր գյուղից է: 1967-ին ավարտել է տեղի Մ. Մաշտոցի անվան (թիվ 15) միջնակարգ դպրոցը, 1978-ին պետական մանկավարժական ինստիտուտի բանասիրական ֆակուլտետը: 1970-1972-ին ծառայել է խորհրդային բանակում:
Աշխատել սկսել է դպրոցական ավագ տարիքից՝ շինարարությունում, արտադրությու-նում՝ բանվոր, պետթատրոնում՝ սիրող դերասան, այնուհետ, 1969-ից «Կառուցող», շրջանային «Գուգարք», քաղաքային «Կայծ» թերթերում՝ գրական աշխատող, 1976-1982-ին՝ Կիրովականի քաղաքային «Կայծ» թերթի նամակների բաժնի վարիչ:
1982-ին աշխատանքի է անցել ՀԿԿ Կիրովականի քաղկոմում՝ որպես մամուլի և մշակույթի գծով հրահանգիչ:
1988-ին ակտիվ մասնակցություն է ունեցել Արցախյան շարժմանը, մասնակցել տեղի «Ղարաբաղ» կոմիտեի ստեղծմանն ու գործունեությանը, որի համար հեռացվել է ԽՄԿԿ շարքերից:
1991-ին ընտրվել է քաղաքային խորհրդի պատգամավոր, քաղխորհրդի կողմից ընտրվել քաղաքային «Վերածնունդ» թերթի գլխավոր խմբագիր, միաժամանակ հիմնադրել և խմբագրել է երգիծական «Եղինջ», «Խաթաբալա» և հասարակական-քաղաքական «Արփի» թերթերը:
1996-ին նշանակվել է նորաբաց «Լոռու մարզ» մարզային թերթի գլխավոր խմբագիր:
1999-ին նշանակվել է Հովհ. Աբելյանի անվան պետական դրամատիկական թատրոնի տնօրեն:
2003-ին տեղափոխվել է Երևան, աշխատանքի անցել Ազգային պատկերասրահում՝ փոխտնօրեն, այնուհետև՝ գիտական քարտուղար:
2006-ից Հայաստանի հանրապետական կուսակցության անդամ է:
2007-ին Ս. Խալաթյանն աշխատանքի է անցել Լոռու մարզպետարանում որպես մարզպետի օգնական, ապա նույն թվականից  մինչև 2009թ. դեկտեմբեր ամիսն աշխատել է ՀՀԿ Վանաձորի տարածքային կազմակերպությունում՝ որպես մարզային կազմակերպիչ:
2010-ի ընթացքում զբաղվել է միայն ստեղծագործական աշխատանքով:
Բազմաժանր գրող է: Հայաստանում և արտերկրում հրատարակվել են նրա հեղինակած բանաստեղծությունների, վիպակների, մենագրությունների, պիեսների ու երգիծանքների 30 գիրք (12-ը ալմանախային), շուրջ 20 պիես ունեցել է ավելի քան 10 բեմադրություն Հայաստանում և արտերկրում, ստեղծագործությունները թարգմանվել, տպագրվել են բազմաթիվ լեզուներով:
ԽՍՀՄ թատերական փառատոնի դափնեկիր է (1985թ.), ՀՀ մշակույթի վաստակավոր գործիչ (2010թ.), հանրապետական, միութենական, միջազգային գրական և թատերական բազմաթիվ մրցույթների ու փառատոնների մրցանակակիր:
Հայաստանի գրողների, թատերական գործիչների, ժուռնալիստների, նկարիչների միությունների և ժուռնալիստների միջազգային ֆեդերացիայի (IFG) անդամ է:
Ամուսնացած է, ունի մեկ որդի, երկու դուստր, 5 թոռ:
Օրերս Լոռու մարզպետ Արամ Քոչարյանի հրամանով լրագրող, դրամատուրգ և երգիծաբան Սամվել Խալաթյանը նշանակվել է Լոռու մարզպետարանի տեղեկատվության և հասարակայնության հետ կապերի բաժնի պետ:

«Լուսարձակը» շնորհավորում և աշխատանքային բեղուն գործունեություն է մաղթում Սամվել Խալաթյանին:
Ցրտահերկ եմ արդեն անում,       
Աչքս առած ձյունոտ սարին:         
Անցած օրս չեմ իմանում,                  
Էլ չեմ հաշվում օր ու տարին:      
Ո՞վ կցանի արտն իմ վարած,
Ո՞վ կհնձի բերքը սրտիս,
Հին օրերիս հուշերն առած