Հունիսի 6-ի Վանաձորի քաղաքապետարանի նիստերի դահլիճում տեղի ունեցած հերթական աշխատանքային խորհրդակցությունը քաղաքապետ Սամվել Դարբինյանը սկսեց շնորհակալանքի խոսքով` ուղղված Վանաձորի քաղաքապետարանի բաժնի պետերին, հունիսմեկյան միջոցառումները լավագույնս կազմակերպելու համար: Նիստի ընթացքում նշվեց, որ քաղաքում իրականացվում են կանաչապատման և ծաղկապատման աշխատանքներ, սակայն քաղաքացիների կողմից նկատվում են ծաղիկների գողության դեպքեր, հանձնարարվեց հսկողություն սահմանել կանաչ տարածքների շրջակայքում: Վանաձոր քաղաքում արդեն իրականացվել է շուրջ 103 մլն. դրամի փոսային նորոգման աշխատանք, այս պահին նմանատիպ աշխատանքներ են իրականացվում Զաքարյան փողոցում: Քաղաքապետ Սամվել Դարբինյանի հանձնարարականով իրականացվում են լուսակիրների սյուների ուղղման և ներկման աշխատանքներ, մինչև այժմ իրականացվել է 57 նմանատիպ աշխատանք: Քաղաքապետն իր դժգոհությունն հայտնեց կապված հարկերի հավաքագրման հետ: Տարվա սկզբից բյուջեի հավաքագրումը կատարվել է 112%-ով: Քաղաքապետը հանձնարարեց Սայաթ-Նովայի անունը կրող այգու վարձակալին զրկել վարձակալության իրավունքից: Նախորդ շաբաթ Վանաձոր քաղաքում գրանցվել է դանակահարության 1 դեպք, որն էլ բացահայտվել է: Քաղաքում շատ են նաև ավտովթարները. Քաղաքապետը նշեց, որ եթե ավտովթարների հետևանքով վնաս է պատճառվել համայնքին պատկանող գույքին, ապա վնասը պետք է հատուցվի:
Հունիսի 6-ի Վանաձորի քաղաքապետարանի նիստերի դահլիճում տեղի ունեցած հերթական աշխատանքային խորհրդակցությունը քաղաքապետ Սամվել Դարբինյանը սկսեց շնորհակալանքի խոսքով` ուղղված Վանաձորի քաղաքապետարանի բաժնի պետերին, հունիսմեկյան միջոցառումները լավագույնս կազմակերպելու համար:
