Գլխավոր » 2011 » Հունիս » 3 » «Մերսեդես Բենցը» դուրս է եկել հանդիպակած գոտի եւ բախվել դիմացից ընթացող «Ֆորդ Տրանզիտ»-ին. Կա 4 վիրավոր
23:27
«Մերսեդես Բենցը» դուրս է եկել հանդիպակած գոտի եւ բախվել դիմացից ընթացող «Ֆորդ Տրանզիտ»-ին. Կա 4 վիրավոր
Հունիս 03, 2011 | 11:23
Հունիսի 2-ին ժամը 18:00-ի սահմաններում Վանաձորի թիվ 1 հիվանդանոցից ահազանգել են Լոռու մարզի Գուգարքի ոստիկանության բաժին եւ հայտնել, որ մարմնական վնասվածքներով իրենց մոտ են տեղափոխվել 3 մարդ:
Ինչպես NEWS.am-ին հայտնում է ֆոտոլրագրող Գագիկ Շամշյանը, հիվանդանոց է մեկնել ոստիկանության Գուգարքի բաժնի օպերատիվ քննչական խումբը`բաժնի պետ Շարմազանովի գլխավորությամբ:
Պարզվել է, որ նույն օրը ժամը 16:30-ի սահմաններում 22-ամյա Արթուր Հարությունյանը վարելով «Մերսեդես Բենց-190» մակնիշի 05 ՕՕ 810 համարանիշի ավտոմեքենան Վանաձոր-Ալավերդի ավտոճանապարհի 3-րդ կմ-ում դուրս է եկել հանդիպակած գոտի եւ բախվել հանդիպակած ուղղությամբ ընթացող 26-ամյա Վլադիմիր Սաֆարյանի վարած «Ֆորդ Տրանզիտ» մակնիշի 011 ԼՏ 04 համարանիշի ավտոմեքենային:
Վթարի հետեւանքով, մարմնական վնասվածքներով Վանաձորի թիվ 1 հիվանդանոց են տեղափոխվել 46-ամյա Գագիկ Հարությունյանը, 38-ամյա Ռաֆայել Հակոբյանը, 44-ամյա Հայկ Ծատինյանը: Այնուհետեւ նույն օրը ժամը 21:00-ի սահմաններում, հիվանդանոց է տեղափոխվել «Մերսեդես Բենցի» վարորդ Արթուր Հարությունյանը:
Ոստիկանության Գուգարքի բաժնում նյութեր են նախապատրաստվում: