Գլխավոր » 2012»Փետրվար»06 » Մեկ էլեկտրասյունից օգտվելու համար Վանաձորում պետք է վճարել 60 դրամ
13:47
Մեկ էլեկտրասյունից օգտվելու համար Վանաձորում պետք է վճարել 60 դրամ
2012թ-ի Վանաձոր քաղաքի ավագանու այս տարվա առաջին նիստում Վանաձորի քաղաքապետարանի գույքի կառավարման եւ եկամուտների հավաքագրման բաժնի պետ Վիկտոր Դարբինյանն առաջարկ է արել քաղաքում գտնվող յուրաքնաչյուր էլեկտրասյունից օգտվելու համար սահմանել 60 դրամ գումար: Հարցը ավագանու անդամների կողմից ընդունվել է միաձայն:
NEWS.am-ի թղթակցի հետ զրույցում Վանաձորի քաղաքապետարանի գույքի կառավարման եւ եկամուտների հավաքագրման բաժնի պետ Վիկտոր Դարբինյանն ասաց, որ գումարները գնալու են համայնքի բյուջե, որը տարեկան կկազմի մոտ 500 հազար դրամ.«Մի քանի կազմակերպություններ առաջարկեցին, որ մալուխները սյուների վրայով տանեն ու դրա դիմաց գումար հատկացնեն, Արմենթելն էլ առանց համայնքին ասելու էր արել, դրա համար էլ որոշվեց հստակ գումար գանձել»: Բաժնի պետի փոխանցմամբ առաջարկվել է 60-100 դրամ մեկ սյան համար, սակայն ընդունվել է 60 դրամը, որը ըստ նրա, քիչ գումար է նման խոշոր կազմակերպությունների համար:
NEWS.am-ի թղթակցի հետ զրույցում Վանաձոր համայնքի ավագանու անդամ Սամվել Դիլոյանն ասաց, որ ամեն տարի համայնքը իր բյուջեից գումարներ է հատկացնում բոլոր սյուների նորոգման, ներկման աշխատանքների համար, սակայն այս սյուներից օգտվող որեւէ մեկը երբեւե որեւէ գումար չի վճարել. «Ամեն սյուն կարիք ունի ներկվելու, նորոգվելու, դրա համար ծախսեր են անհրաժեշտ, որը այսօր մեր համայնքի բյուջեից է գնում, ինչի պետք է այդ խոշոր եկամուտ ապահովող կազմակերպությունները օգտվեն մեր սյուներից, շահույթ ստանան, բայց ոչինչ չանեն դրա պահպանման համար»,- ասաց Սամվել Դիլոյանը, հավելելով.«Ռուսաստանյան կառույցները մեր սյուները օգտագործում են, փողը տանում դուրս, իսկ նորոգումը համայնքն ա անում, այդ 60 դրամը մոտավորապես յուրաքանչյուր սյան նորոգման ինքնարժեքն է կազմում»:
2012թ-ի Վանաձոր քաղաքի ավագանու այս տարվա առաջին նիստում Վանաձորի քաղաքապետարանի գույքի կառավարման եւ եկամուտների հավաքագրման բաժնի պետ Վիկտոր Դարբինյանն առաջարկ է արել քաղաքում գտնվող յուրաքնաչյուր էլեկտրասյունից օգտվելու համար սահմանել 60 դրամ գումար: Հարցը ավագանու անդամների կողմից ընդունվել է միաձայն:
