Գլխավոր » 2011 » Մարտ » 9 » Մարտի 8-ն իր տարերքի մեջ է. ծաղկի գները աճում են, իսկ odnoklassniki-ն խափանում է տալիս
09:49 Մարտի 8-ն իր տարերքի մեջ է. ծաղկի գները աճում են, իսկ odnoklassniki-ն խափանում է տալիս |
 Մարտ 08, 2011 | 14:31
Այն, որ ծաղկի գները կանանց տոների ընթացքում աներեւակայելի թռիչքներ են գործում, որեւէ մեկի համար անսպասելի չէ։ Այս առումով 2011-ը ոչնչով չի տարբերվում նախորդ տարիներից։ NEWS.am-ի մոնիտորինգը ծաղկի երեւանյան վաճառակետերում պարզեց հետեւյալը:
Ցերեկը ժամը 13։00-ի դրությամբ ձնծաղիկի ու մանուշակի գները սկսում են 150 դրամից, սովորաբար դրանք արժեն 50-100 դրամ։ Տեղական կակաչների գները սկսում են 300 դրամից, իսկ հոլանդականները՝ 700 դրամից։ Սովորաբար դրանք արժեն համապատասխանաբար 100 եւ 300 դրամ։ Նարցիսներն արժեն հատը 200 դրամ, թեեւ այլ օրերի դրանք կարելի է ձեռք բերել նույնիսկ 20 դրամով։
Ծաղիկների թագուհին՝ վարդը, շարունակում է մնալ ամենապահանջարկվածը: Տեղական վարդերի գները սկսում են 1000 դրամից, իսկ հոլանդականները՝ 2500 դրամից։ Ծաղկավաճառների մի մասը NEWS.am-ի հետ զրույցում չբացառեց, որ օրվա վերջում հնարավոր է վարդի թանկացում:
Ընդհանուր առմամբ՝ համարյա բոլոր ծաղկավաճառների մոտ շատ աշխույժ առեւտուր է ընթանում, թեեւ ծաղկի դեֆիցիտի մասին խոսք լինել չի կարող։ Ընդ որում՝ մեծ քանակությամբ ծաղիկներ գնում են ոչ միայն տղամարդիկ, այլեւ կանայք ու աղջիկները:
Կանանց տոների ընթացքում աշխուժանում է ոչ միայն ծաղկի առեւտուրը։ Եղել են տարիներ, երբ կանխիկ դոլարի մեծ ներհոսքի պատճառով դրամը մարտի 8-ին սկսել է արժեւորվել: Սակայն մեր դիտարկումները փոխանակման կետերում էական փոփոխություններ այսօր չհայտնաբերեցին։ Դոլարը գնվում է 366-367 դրամով, վաճառվում՝ 368-370 դրամով։ Այս փոխարժեքները գործում էին նաեւ երեկ։ Շատ քիչ թվով փոխանակման կետեր, այնուամենայնիվ, որոշել են օգտվել առիթից, ու սահմանել են դոլարի առքի ցածր փոխարժեք (363-64 դրամ):
Բջջային կապի 3 օպերատորներն այսօր հիմնականում աշխատում են առանց խափանումների՝ թեեւ հաղորդագրությունների աննախադեպ բարձր քանակին։ Փոխարենը անակնկալ է մատուցել odnoklassniki.ru-ն։ Կայքի «հաղորդագրություններ» բաժինը մոտավորապես ժամը 11։30-ից գործում է խափանումներով, թեեւ կեսօրին կարծես թե ամեն ինչ նորմալ էր։
Հոդվածը՝ news.am-ի
|
Բաժին: ՆՈՐՈՒԹՅՈՒՆՆԵՐ |
Դիտում: 925 |
Ավելացրեց: andy
| Ռեյթինգ: 0.0/0
|
Քննարկել կարող են միայն գրանցված օգտվողները, գրանցվեք կամ մուտք եղեք Ձեր անունով [ Գրանցում | Մուտք ] |
