Գլխավոր » 2012 » Հունվար » 8 » Կառավարությունը հաստատեց սոցիալական փաթեթի հատկացման կարգը
17:56
Կառավարությունը հաստատեց սոցիալական փաթեթի հատկացման կարգը
Հայաստանի կառավարությունն 2011 թվականի դեկտեմբերի 29-ին հաստատեց պետական ծառայողների համար նախատեսված սոցիալական փաթեթը:
Նախատեսվում է 120 հազար պետական աշխատողի 2012 թ. պետական բյուջեից տրամադրել սոցիալական փաթեթ` յուրաքանչյուրին 132 հազար դրամ: Ըստ ՀՀ ֆինանսների նախարար Վաչե Գաբրիելյանի` բարձրաստիճան պաշտոնյաներն ու տեխնիկական աշխատողները սոցիալական փաթեթից չեն օգտվի: Գումարը պետծառայողների միջեւ կբաշխվի հավասարաչափ` անկախ զբաղեցրած պաշտոնից եւ աշխատավարձի չափից:
Հիշեցնենք, որ սոցիալական փաթեթն օգտագործվելու է չորս հիմնական ուղղությամբ` բժշկական ապահովագրություն, որը պարտադիր կլինի 52 հազար դրամի չափով, հիպոթեկային վարկերի ամսական վճարների մարումներ, ուսման ծախսեր, հանգիստ Հայաստանի եւ ԼՂՀ-ի տարածքներում:
Վ.Գաբրիելյանի տեղեկացմամբ` բժշկական ապահովագրությունը կգործի փետրվարից։