Գլխավոր » 2011 » Մարտ » 02 » Հայաստանն ունի նոր օմբուդսմեն. Կարեն Անդրեասյանն ընտրվեց 83 «կողմ», 13 «դեմ» ձայներով
15:50 Հայաստանն ունի նոր օմբուդսմեն. Կարեն Անդրեասյանն ընտրվեց 83 «կողմ», 13 «դեմ» ձայներով |
15:30 • 02.03.11
Խորհրդարանում հրապարակվեցին Մարդու իրավունքների պաշտպանի ընտրությունների արդյունքները, համաձայն որոնց՝ 83 «կողմ» և 13 «դեմ» ձայների հարաբերակցությամբ օմբուդսմեն ընտրվեց Կարեն Անդրեասյանը: Հաշվիչ հանձնաժողովի նախագահ, ՀՀԿ-ական պատգամավոր Գագիկ Մելիքյանը հայտարարեց, որ ՄԻ պաշտպանի ընտրություններին մասնակցել է 97 պատգամավոր: Հիշեցնենք, որ դեմ է քվեարկել ԱԺ «ՀՅԴ» խմբակցությունը:
Կարեն Անդրեասյանը շնորհակալություն հայտնեց 13 «դեմ» քվեարկողներին` նշելով, որ նրանք բարձրացրին նշաձողն, ինչն իրեն կստիպի առավել լավ աշխատել և հասնել դրական գնահատականի նաև դեմ քվեարկողների կողմից:
«Ստանձնելով ՄԻ պաշտպանի պաշտոնը` երդվում եմ հավատարիմ լինել Սահմանադրությանն ու օրենքներին, հասարակական համակեցության և արդարության սկզբունքներին, պաշտպանել մարդու, քաղաքացու ազատություններն ու իրավունքները: Երդվում եմ, որ լիազորություններս կկատարեմ անաչառ, առավելագույն բարեխղճությամբ և ջանասիրությամբ»,- ԱԺ ամբիոնից հայտարարեց նորընտիր օմբուդսմենը:
Հոդվածը՝ Tert.am -ի |
Բաժին: ՆՈՐՈՒԹՅՈՒՆՆԵՐ |
Դիտում: 980 |
Ավելացրեց: andy
| Ռեյթինգ: 0.0/0
|
Քննարկել կարող են միայն գրանցված օգտվողները, գրանցվեք կամ մուտք եղեք Ձեր անունով [ Գրանցում | Մուտք ] |
