 Google ընկերությունն արտոնագրել է իր «տոնական»
լոգոները` doodle-ները, որոնք ժամանակ առ ժամանակ հայտնվում էին նույնանուն
որոնման համակարգի գլխավոր էջում: Ինչպես հայտնում է Buzzblog-ը` մարտի
22-ին պատենտը փոխանցվել է ընկերության հիմնադիրներից Սերգեյ Բրինին, ով
համարվում է doodle-ի ստեղծման մտքի հեղինակը: Այդ պատենտը ստանալու համար
Google-ը դիմել էր դեռ 2000 թվականին: Փաստաթղթի
համաձայն` Google-ն արտոնագրել է իր «օգտվողների գրավման մեթոդն ու
համակարգը»: Այս ոչ այնքան հստակ սահմանումը, որի ետևում կոնկրետ
տեխնոլոգիական լուծումներ չկան, արդեն շատ քննարկումներ է առաջացրել
մասնագիտացված բլոգերում և ԶԼՄ-ներում: Doodle-ները
հորինվել էին 1998 թվականին, երբ Բրինը և ԼարրիՓեյջը որոշեցին նշել իրենց
դեպի "Burning Man" ուղևորությունը` ավելացնելով Google լոգոյին ևս մեկ
օ-ն: Նոր լոգոների մշակման մասին միտքը շատ դուր եկավ օգտվողներին, և
doodle-ները սկսեցին պարբերաբար հայտնվել կայքէջում: 13 տարիների ընթացքում
Google-ի էջում տարբեր երկրներում կարող էինք տեսնել doodle-ների ավելի
քան 700 տարատեսակ, ընդ որում մոտ 300 լոգոներ մշակված են եղել միայն
Google.com ամերիկյան դոմենի համար: Ամսաթվով դասակարգված բոլոր
doodle-ները կարող եք տեսնել այստեղ: Հոդվածը՝ www.b24.am-ի | 
