Գլխավոր » 2012»Փետրվար»7 » ԱԺ-ն առաջին ընթերցմամբ ընդունեց «Հայաստանում ժամանակի հաշվարկման կարգի մասին» օրինագիծը
15:40
ԱԺ-ն առաջին ընթերցմամբ ընդունեց «Հայաստանում ժամանակի հաշվարկման կարգի մասին» օրինագիծը
Ազգային ժողովը քիչ առաջ առաջին ընթերցմամբ ընդունեց «Հայաստանի Հանրապետության տարածքում ժամանակի հաշվարկման կարգի մասին» օրինագիծը, ըստ որի, Հայաստանում ժամանակը չի փոփոխվի եւ այլեւս չի անցնի ամառային ժամանակի:
Օրինագծին կողմ է քվեարկել 71 պատգամավոր, 4 պատգամավոր ձեռնպահ է մնացել:
«Ժառանգություն» խմբակցության ղեկավար Ստյոպա Սաֆարյանը, օրինագծի վերաբերյալ նշեց, որ դա լուրջ դժգոհությունների առիթ է դարձել հասարակության շրջանում: Նրա խոսքով, եթե օրենքն ընդունվի այս տեսքով, ապա ամռանը մեկ ժամ շուտ կմթնի եւ բնակչության համար էլեկտրաէներգիայի ծախսը կավելանա:
Օրինագծի վերաբերյալ արվող առաջարկները հաշվի կառնվեն մինչեւ երկրորդ ընթերցում ընկած ժամանակահատվածում:
Նշենք, որ Ռուսաստանում եւս ժամանակն անփոփոխ թողնելու վերաբերյալ օրենք է ընդունվել, սակայն այնտեղ ժամանակն անշարժացվել է ամառային ժամանակով, իսկ մեզ մոտ` ձմեռային:
Ազգային ժողովը քիչ առաջ առաջին ընթերցմամբ ընդունեց «Հայաստանի Հանրապետության տարածքում ժամանակի հաշվարկման կարգի մասին» օրինագիծը, ըստ որի, Հայաստանում ժամանակը չի փոփոխվի եւ այլեւս չի անցնի ամառային ժամանակի:
