Վանաձոր քաղաքի Գրիբոյեդով 6 շենքը 1988թ-ի աղետալի երկրաշարժից հետո ստացել է
երրորդ կարգի վթարայնության աստիճան։ Այն այսօր գտնվում է համայնքային
ենթակայության տակ և ենթակա էամրացման ենթակա։ 9 հարանի շենքը մի քանի շքամուտք
ունի։ Շենքի մի մասն ամբողջովին քանդված է, և հնարավոր է, որ ցանկացած պահի այն
կարող է փլվել անցորդների գլխին։ Շենքում չի աշխատում վերելակը, չկա տանիք, իսկ տան
ներսի պատերին առկա ճաքերը արդեն իսկ սարսափ են ներկայացնում։ Գրիբոյեդովի թիվ 6 շենքը բացի
վթարային լինելուց, մի "դրական” կողմ էլ ունի՝ այն թաղամասի համար օգտագործվում է
որպես աղբանոց։ Թեպետ թաղամասում աղբարկղներ կան տեղադրված, սակայն բնակիչներն
ընտրել են հեշտ տարբերակը՝ աղբը լցնում են չբնակեցված շենքում, որտեղ բնակություն
են հաստատել տարբեր տեսակի թափառող կենդանիներն ու կրծողները, իսկ շենքում տիրող
գարշահոտությունը տարբեր հիվանդությունների պատչառ կարող է դառնալ։ Նշենք նաև, որ
շենքային պայմաններում գտնվող աղբավայրից 3 մետր հեռավորության վրա է գտնվում
երեխաների խաղահրապարակը, որը չի հուզում ինչպես շենքի բնակիչներին, այնպես էլ
դրանով զբաղվող իրավասու մարմիններին։ Բնակիչներն ասում են, որ "Ժաժկից
հետո էս վիճակն ա”, իսկ աղբը շենքում են թափում, քանի որ "Մուսռի յաշիկները հեռու
են՚։ Նրանց խոսքով աղբն այստեղից մաքրել են 3-4 տարի առաջ, նրանք չեն հրաժարվում,
որ աղբն իրենք են թափում, փոխարենը շտապում են պատասխանել. "Բա սաղ թափում են,
կա՞րող ա ես չթափեմ”: Գրիբոյեդովի թիվ 6 շենքը պատկանում
է ՙԲազում՚ համատիրությանը, որի ղեկավար Արայիկ Չոբանյանն էլ մեզ հետ զրույցում
հայտնեց իր տեսակետը՝ շենքի խնդիրների, մասնավորապես, կուտակված աղբի հետ կապված։
Չոբանյանն ասում է.որ շենքում երկրաշարժից հետո փոխվել են միայն ջրագծերը, բայց
ընդհանուր առմամբ՝ "Ոչ մի գործ էլ չի արվել”։ "Բազում” համատիրության ղեկավարն
ասում է, որ շենքից արդեն երկար տարի է, ինչ վարձավճարներ չի գանձվում. "Շենքն
այսօր բնակեցված է գրեթե 20 տոկոսով։ Վթարային, քանդված շենք է, դուրս են եկել”: Թաղամասում աղբահանությունը նորմալ
կատարվում է. «Մի քանի անգամ, քաղաքապետարանի միջնորդությամբ և մեր նախաձեռնությամբ
այդտեղի աղբը տեղափոխվել ա, մաքուր վիճակում տրվել ա իրենց, բայց էսօր
հնարավորություն չունենք, որ պահակ նշանակենք, որ աղբ չթափեն, - ասում է
համատիրության ղեկավարն ու դժգոհում.- Մարդ պտի ինքը գիտակցի, որ աղբը պետք է տանեն
15 մ հեռավորության վրա գտնվող աղբարկղներում թափեն”։ Նախագահի հշելով վերջին անգամ
շենքից աղբը հեռացվել է անցած տարի։ Մեր այն հարցին, թե պատրաստվո՞ւմ են արդյոք այդ
ուղղությամբ կրկին աշխատանքներ, պատասխանեց. "Աշխատանքներ որտեղից նախատեսենք,
ինչքան կարելի ա մաքրել ու մաքրել, ո՞վ ա թափում էդ աղբը, նույն էդ բնակիչները։
Հարակից շենքերի բնակիչները աղբը տալիս են երեխեքի ձեռը, նրանք էլ բերում են ըտեղ
քցում գնում են”։ Բնակիչներն ասում են, որ վերջին
երեք տարիներին այդտեղ մաքրում չի արվել. "Սուտ են ասում բնակիչները, երեք տարի
հաստատ չի, վերջի մի կամ երկու տարում մաքրվել ա ու մի քանի անգամ, մինչև էդ էլ ա
մաքրվել”: Պարոն Չոբանյանը նշում է, որ բնակիչներին բազմիցս զգուշացվել է շենքում
աղբ չթափել, սակայն "Մարդը պետք է գիտակցի, որ էդտեղ աղբի տեղ չի ու որ իրենց
երեխաներն են էդտեղ խաղում”։ Մինչ իրավասու մարմինները
"անմեղ-մեղավորներ” են փնտրում, թաղամասում համաճարակի վտանգը գնալով մեծանում է, և
չի բացառվում, որ տաք եղանակին այդտեղ էպիդեմիկ վիճակի սրացում սկսվի՝ իր հետ
բերելով տարատեսակ հիվանդություններ։
Վանաձոր քաղաքի Գրիբոյեդով 6 շենքը 1988թ-ի աղետալի երկրաշարժից հետո ստացել է
երրորդ կարգի վթարայնության աստիճան։ Այն այսօր գտնվում է համայնքային
ենթակայության տակ և ենթակա էամրացման ենթակա։ 9 հարանի շենքը մի քանի շքամուտք
ունի։ Շենքի մի մասն ամբողջովին քանդված է, և հնարավոր է, որ ցանկացած պահի այն
կարող է փլվել անցորդների գլխին։ Շենքում չի աշխատում վերելակը, չկա տանիք, իսկ տան
ներսի պատերին առկա ճաքերը արդեն իսկ սարսափ են ներկայացնում։
Նախագահի հշելով վերջին անգամ
շենքից աղբը հեռացվել է անցած տարի։ Մեր այն հարցին, թե պատրաստվո՞ւմ են արդյոք այդ
ուղղությամբ կրկին աշխատանքներ, պատասխանեց. "Աշխատանքներ որտեղից նախատեսենք,
ինչքան կարելի ա մաքրել ու մաքրել, ո՞վ ա թափում էդ աղբը, նույն էդ բնակիչները։
Հարակից շենքերի բնակիչները աղբը տալիս են երեխեքի ձեռը, նրանք էլ բերում են ըտեղ
քցում գնում են”։
