«Տեղեկատու Վանաձոր»-ը Շնորհավորում է բոլոր երիտասարարդներին եւ սիրահարներին Սուրբ Վալենտինի տոն-ի կապակցությամբ, ցանկանում բոլորին սեր եւ երջանկություն...
Հայ երիտասարդները մեծ ոգեւորությամբ պատրաստվում են փետրվարի 14-ին նշել Սբ. Վալենտինի տոնը, որն Արեւմուտքում ընդունված է նշել որպես սիրահարների տոն: Չնայած նրան, որ Հայոց եկեղեցու օրհնությամբ ամեն տարի նշվում է Սբ Սարգսի կամ սիրահարների հովանավորի տոնը, երիտասարդները ոչ պակաս խանդավառությամբ են պատրաստվում Վալենտինի օրվան: Շատերի համար դա հիանալի հնարավորություն է սիրո, սրտիկների եւ ծաղիկների ընդհանուր մթնոլորտում խիզախություն հավաքելու եւ խոստովանելու սիրելիին իրենց զգացմունքները կամ ապացուցելու դրանք անմոռանալի եւ յուրօրինակ նվերով: Ի դեպ, Հայաստանում Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսի օրհնությամբ փետրվարի 14-ը հռչակվել է ընտանիքի տոն: Սուրբ Պատարագից հետո Հայաստանյայց Առաքելական Սուրբ Եկեղեցու բոլոր եկեղեցիներում կատարվելու է նորապսակների օրհնության կարգ: Վալենտինի օրվա առասպելի արմատները ձգվում են հեռավոր 3-րդ դարից:Ըստ առասպելի` Հին Հռոմում մի բժիշկ էր ապրում, որի դեղամիջոցները միշտ անուշահոտ ու քաղցր էին:
Նա նաեւ քրիստոնյա հոգեւորական էր: Կլավդիոս Երկրորդի օրոք, երբ նա ապրում էր, շատ պատերազմներ էին մղվում: Թագավորը խնդիրներ ունեցավ զինվորների պակասի հետեւանքով եւ որոշեց, որ դրա պատճառը զինվորների կապվածությունն էր իրենց կանանց եւ ընտանիքներին, նա արգելեց նշանադրություններն ու հարսանիքները: Սակայն Վալենտինը շարունակում էր թաքուն պսակել սիրեցյալներին: Մի անգամ բանտապանը խնդրեց Վալենտինին բուժել իր կույր դստերը: Չնայած բուժումը գրեթե անհնար էր` Վալենտինը խոստացավ անել հնարավոր ամեն բան նրա ապաքինման համար: Մի քանի շաբաթ անց Վալենտինին բանտարկեցին: Իմանալով, որ իրեն մահապատժի են ենթարկելու` Վալենտինը մի նամակ ուղարկեց աղջկան, որում գրված էր` "Քո Վալենտինից”:
Բժշկին մահապատժի ենթարկեցին 270թ. փետրվարի 14-ին: Աղջիկը, ստանալով նամակը, տեսավ դրա գույնզգույն փայլը եւ հրաշք տեղի ունեցավ. նրա տեսողությունը վերականգնվեց: 496թ.-ին Հռոմի պապ Գելասիուսը փետրվարի 14-ը հռչակեց Սբ Վալենտինի օր: Եվ կարեւոր չէ, թե ինչպես է կոչվում տոնը, շնորհավորում ենք ձեզ: Սիրե՛ք եւ սեր սփռե՛ք աշխարհում: Չէ՞ որ սերը հրաշքներ է գործում:
Դիտում: 2045 |
Ավելացրեց: andy
| Տեգեր:
| Ռեյթինգ: 0.0/0
«Տեղեկատու Վանաձոր»-ը Շնորհավորում է բոլոր երիտասարարդներին եւ սիրահարներին Սուրբ Վալենտինի տոն-ի կապակցությամբ, ցանկանում բոլորին սեր եւ երջանկություն...
