2004թ-ից կառավարության որոշմամաբ ՀՀ-ում հոկտեմբերի 7-ը պաշտոնապես նշվում է որպես գրադարանավարի օր: Այդ առթիվ ՀՀ քաղաքային եւ մարզային իշխանությունների նախաձեռնությամբ հանրապետության գրեթե բոլոր գրադարաններում կազմակերպվում են օրվան նվիրված միջոցառումներ: Վաստակաշատ գրադարանավարներն էլ պարգեւատրվում են: Չնայած տոնը նշվում է շուքով, այնուամենայնիվ գրադարաններում առկա են բազմաթիվ խնդիրներ. սկսած գրքերի համալրումից, վերջացրած շենքային պայմաններով: Տեղի իշխանության ներկայացուցիչներն էլ որոշակի քայլեր են ձեռնարկում այդ խնդիրները լուծելու համար:Ինչպես կասեր Պարույր Սեւակը «Ու թե տիրել ենք միայն գրքերով»: Ավանդաբար հայերն ընթերցասեր ազգ են համարվել: Սակայն ավանդույթը խախտել ենք հետ երկրաշարժյան տարիներին: Անցումային ժամանակաշրջան էր հոգսերն էլ գրքերին հերթ չեն տալիս:
Հոկտեմբերի 7-ին միջոցառումներ են անցկացվում նաեւ Լոռու մարզային գրադարանում: Միջոցառումների սկիզբը ժամը 18:00-ին:
Ստորեւ կարող եք ծանոթանալ միջոցառումների ցանկին:
- Լոռու մարզի գրողների
(գեղարվեստական գործեր եւ գիտական աշխատություններ) 2010-2011թթ.
հրատարակություններ:
- ՀՀ անկախության
20-ամյակին նվիրված՝
ա) «Ղարաքիլիսա-Կիրովական-Վանաձոր» լուսանկարների
ցուցահանդես
բ) Քանդակագործ Սուսաննա Օհանյանի «Իմ Լոռի
աշխարհ, իմ զուլալ աշխարհ» փայտարվեստի գործերի
ցուցահանդես
գ) Մարտուհի Սարգսյանի հայկական տարազի եւ հայ
գրական կերպարների խամաճիկ տիկնիկների ցուցահանդես
3. «Առաջինը
տիեզերքում» Յու. Գագարինի դեպի տիեզերք կատարած թռիչքի 50-ամյակին նվիրված
միջազգային մրցույթի հաղթող վանաձորցի Լ. Ռաֆայելյանի նկարների ցուցահանդես,
Գագարինին նվիրված ֆիլմի դիտում:
Հոկտեմբերի 7-ը գրադարանավարի օրն է: «Տեղեկատու Վանաձոր»-ը շնորհավորում է բոլոր գրադարանավարներին իրենց մասնագիտական տոնի կապակցությամբ եւ մաղթում բարեկացիկ եւ առողջ կյանք: 
