Եվրասիա համագործակցություն հիմնադրամի ֆինանսական աջակցությամբ Երիտասարդական բանկի շրջանակներում վանաձորաբնակ մի խումբ երիտասարդներ մայիս-հունիս ամիսներին իրականացրեցին Վանաձոր. 4 բևեռ ծրագիրը: Այս մասին հայտնում է armregions.am-ի Վանաձորի թղթակիցը: Ծրագիրը նպատակ ուներ ցուցահանդես-մրցույթի միջոցով ներկայացնել Վանաձորի լավ և վատ կողմերը, հանրության ուշադրությունը սևեռել քաղաքի և վտանգված և գեղատեսիլ վայրերի վրա, վեր հանել տարեցների ու երեխաների հիմնախնդիրները, և այս ամենը՝ սիրողական լուսանկարչի ու գեղանկարչի աչքերով:
24 մասնակիցներ՝ տարբեր տարիքի և տարբեր անվանակարգերում ներկայացրել էին աշխատանքներ, որոնցից հանդիսատեսը փակ քվեարկության միջոցով ընտրեց առավել խոսուն և թեմային համահունչ նկարները: Մասնակիցների շարքերում դեռահասներ և երիտասարդներ էին, լրագրողներ և նկարիչներ:
Մրցույթի մասնակիցների շարքերում էր նաև Վանաձորի Լոռի հեռուստաընկերության ամենաերիտասարդ օպերատորը՝ Ելենա Սաքանյանը, ում հեղինակած լուսանկարչական աշխատանքը՝ լքված ու անուշադրության մատնված Վանաձորի թիվ 2 նախկին հիվանդանոցը պատկերող, հանձնաժողովը լավագույնն էր ճանաչել Վանաձորի վտանգված, ուշադրությունից զրկված վայրեր անվանակարգում:
Ինչպես նկատում է Վանաձոր. 4 բևեռ ծրագրի ղեկավար Հասմիկ Հովսեփյանը, մասնակիցներն ավելի շատ ուշադրություն էին հատկացրել Վանաձորի գեղատեսիլ վայրերին, իսկ տարեցների ու երեխաների հիմնախնդիրների մասին պատմող աշխատանքները փոքրաթիվ էին: Մրցույթի մասնակիցներից Էմմա Թուխարյանը, ով հաղթող էր ճանաչվել ՙերեխաների տեսլական՚ անվանակարգում ներկայացրել էր երեխաների իր տեսլականով:
Մինչ հանձնաժողովն ամփոփում էր քվեարկության արդյունքները, ներկաները դիտեցին դեռահասների և տարեցների մասին պատմող ֆիլմեր և անցկացրին քննարկում: Բոլոր մասնակիցներն արժանացան շնորհակալագրերի, հաղթողները` պատվոգրերի ու նվերների:
Եվրասիա համագործակցություն հիմնադրամի ֆինանսական աջակցությամբ Երիտասարդական բանկի շրջանակներում վանաձորաբնակ մի խումբ երիտասարդներ մայիս-հունիս ամիսներին իրականացրեցին Վանաձոր. 4 բևեռ ծրագիրը: Այս մասին հայտնում է armregions.am-ի Վանաձորի թղթակիցը: Ծրագիրը նպատակ ուներ ցուցահանդես-մրցույթի միջոցով ներկայացնել Վանաձորի լավ և վատ կողմերը, հանրության ուշադրությունը սևեռել քաղաքի և վտանգված և գեղատեսիլ վայրերի վրա, վեր հանել տարեցների ու երեխաների հիմնախնդիրները, և այս ամենը՝ սիրողական լուսանկարչի ու գեղանկարչի աչքերով: 
