Վանաձորի մանկատանը ներդրված կարի ուսուցման արհեստանոցի շնորհիվ այսուհետ աշխատանք կունենան նաև մանկատան շրջանավարտները: 2008 թ. գերմանական Շտեռնշտունդեն ռադիոխմբագրության աշխատակից Մարգարիտա Վալխերն այցելել էր մանկատուն, ծանոթացել երեխաների զբաղվածությանն ու նախասիրություններին, այդ ամենը նկարահանել և հետագայում պատմել գործընկերներին, ու որոշել էին օգնել մանկատանը:
Անցյալ տարի էլ մանկատան տնօրինությունից գրավոր համաձայնություն վերցրեցին, իրենց մոտ քննարկելու հարցը: Կարճ ժամանակահատվածում մանկատան բակում բարեգործական ընկերության ֆինանսավորմամբ կառուցվեց 40 քմ տարածքով շինությունը, տնօրինությանը թողնելով միայն արտադրության ճյուղի ընտրությունը. "Հեռուստացույցով լսելով, որ Բ. Դարբինյան Սպը-ն /Գլորիա կարի ֆաբրիկա/ կարող բանվորուհիների կարիք ունի, խորհրդակցեցինք տնօրինության հետ, առաջարկեցինք 16-18 տարեկան երեխաներին սովորեցնել կարողի մասնագիտություն, հետագայում նույն ֆաբրիկայում աշխատելու համար", -ասում է Վանաձորի մանկատան տնօրեն Արաշալույս Հարությունյանը:
Կարի ֆաբրիկան էլ աջակցեց կարի ուսուցման արհեստանոցին սարքավորումներով և ձևացքով: 12-17 երեխաներ մի հոսքագծով կարող են սովորել կարել:
Փորձը ցույց է տվել, որ երեխաները մանկատունն ավարտելուց հետո մասնագիտական կողմնորոշման, աշխատանքի տեղավորման խնդիր են ունենում:
Մանկատան տնօրինությունը նախատեսում է հետագայում տղաների համար արհեստանոցներ բացել` ավտոգործ, էլեկտրական սարքերի վերանորոգում, փայտագործություն, կոշկակարություն:
ԼԻԼԻԹ ՅՈԼՉՅԱՆՎանաձոր
Հ.Գ. Վանաձորի մանկատանը այժմ 101 երեխա է խնամվում: 44 երեխա հերթագրված է բնակարան ստանալու համար, սակայն այսօր միայն 6-են ստացել բնակարան: Եւս 5-ը այս տարի կստանան, իսկ մնացածները…
Վանաձորի մանկատանը ներդրված կարի ուսուցման արհեստանոցի շնորհիվ այսուհետ աշխատանք կունենան նաև մանկատան շրջանավարտները: 2008 թ. գերմանական Շտեռնշտունդեն ռադիոխմբագրության աշխատակից Մարգարիտա Վալխերն այցելել էր մանկատուն, ծանոթացել երեխաների զբաղվածությանն ու նախասիրություններին, այդ ամենը նկարահանել և հետագայում պատմել գործընկերներին, ու որոշել էին օգնել մանկատանը:
