Գլխավոր » 2011»Հուլիս»13 » Ապագա բուժաշխատողները “Վանմեդ”-ում մասնագիտական փորձ ձեռք կբերեն
22:04
Ապագա բուժաշխատողները “Վանմեդ”-ում մասնագիտական փորձ ձեռք կբերեն
Դեռևս ԽՍՀՄ տարիներից Կիրովականի կենտրոնական ստոմատոլոգիական պոլիկլինիկան Երևանի պետական բժշկական համալսարանի համար հանդիսացել է գիտական կարևոր կենտրոն, ուր նրանք անցնում էին ուսումնաարտադրական պրակտիկա:
Նախկին ավանդույթները վերականգնվել են և այժմ Մխիթար Հերացու անվան բժշկական համալսարանի ուսանողները Վանաձորի Վանմեդ բժշկա-ստոմատոլոգիական կենտրոնում անցկացնում են գործնական պրակտիկա: Այս մասին տեղեկացնում է armregions.am-ի Վանաձորի թղթակիցը:
Համալսարանի 25 ուսանողներ, որոնք բոլորն էլ Լոռու մարզի տարբեր տարածաշրջաններից են, 3 շաբաթ շարունակ բժշկաստոմատոլոգիական կենտրոնում տեսական գիտելիքները լավագույնս ամրապնդելու հնարավորություն կունենան:
Շուրջ 40 տարի մենք ջանք չենք խնայում՝ մարդկանց առողջ ու գեղեցիկ ժպիտ պարգևելու համար, ձգտում ենք քայլել ժամանակին համընթաց, և դրա առհավատչյան այսօրվա վերանորոգված կլինիկան է՝ հագեցած եվրոպական նորագույն սարքավորումներով,-ասում է կենտրոնի տնօրեն Գագիկ Քալանթարյանը: Ուսանողները կենտրոնում լիովին ծանոթանում են իրականացվող բոլոր տիպի բուժական միջամտություններին, կիրառում նաև սարքավորումները:
Դեռևս ԽՍՀՄ տարիներից Կիրովականի կենտրոնական ստոմատոլոգիական պոլիկլինիկան Երևանի պետական բժշկական համալսարանի համար հանդիսացել է գիտական կարևոր կենտրոն, ուր նրանք անցնում էին ուսումնաարտադրական պրակտիկա: 
